Wararka laga helayo bariga dhexe gaar ahaan xiisada u dhaxaysa Israel iyo ururka Hezbullah ayaa ah mid saacad walba kasii daraysa kadib markii la sheegay in israel isku diyaarisay weerar dhulka ah oo ay ku qaado wadanka lubnaan.
Warar soo baxay maanta ayaa sheegaya in israel si xadidan saacado gudaha ugu gashay wadanka lubnaan halkaas ooy kala kulmeen iska caabin ururka hezbullah oo ayagu ah awooda koobaad ee ku sugan wadanka lubnaan.
Israel ayaa todobaadyadan ba weeraro arxan darro ah ka waday wadanka lubnaan gaar ahaan koonfurta wadanka iyo caasimada Beirut halkaas oo ay gabi aahnba ku dishay madaxdii hezbullah ilaa hogaamiyahoodi oogu sareeyay ee Hassan Nasrallah.
Si kastaba ha ahaatee israel ayaa u muuqato mid aan ka baaqsan doonin weerar dhulka ah oo ay ku qaado lubnaan ayadoo sidoo kale la ogyahay in hezbullah haysato in ka badan 120,000 kun oo dagaal yahan oo ku kala sugan guud ahaan wadanka lubnaan gaar ahaan koonfurta wadanka oo ah dhulka dhaca xadka israel iyo lubnaan.
Sidoo kale diyaarada dagaalka isael ayaa weeraro ka gaystay xalay wadanka Suuriya halkaas oo la sheegay gaadhi ay wadatay gabadh kabtirsan TV ga wadanka suuriya in lala eegtay. Ma cadda in gabadha gaarigeedu uu ahaa bartilmaameed oo ay la socdeen saraakiil ama kooxo kale.
